ស្ពានអាថ៌កំបាំង មានសត្វសុនខលោតសម្លាប់ខ្លួនជារៀងរាល់ឆ្នាំដោយគ្មានមូលហេតុ(មានវីដេអូ)

នៅលើលោកយើងនេះគឺមានកន្លែងអាថ៌កំបាំងជាច្រើន ដែលអ្នកវិទ្យាសាស្ត្រមិនអាចបកស្រាយបាន ។ ជាក់ស្តែងស្ពានអត្តឃាតមួយនៅប្រទេសស្កុតឡែនឯណោះវិញគឺជាស្ពានមួយដ៏សែនគ្រោះថ្នាក់បំផុតសម្រាប់ សម្រាប់អ្នកដែលនាំសុនខជាទីស្រឡាញ់របស់ខ្លួនទៅជាមួយព្រោះថា ស្ពានខាងលើមានសុនខចំនួន ៥០ ក្បាលមកហើយ ដែលបានលោតទម្លាក់ខ្លួនពីលើស្ពាន ហើយស្លាប់ ក្នុងខណៈដែលចំនួនសុនខសរុបទាំងអស់មានចំនួន ៦០០ក្បាល។

នៅម្តុំស្ពានខាងលើគឺមានសំណង់អាគារចំនួន ៥០ ដែលវាធ្វើអោយសត្វសុខនស្លាប់យ៉ាងច្រើនរហូតដល់គេដាក់ឈ្មោះអោយវាថា ជាស្ពានអត្តឃាតសុន។ ចំពោះមូលហេតុដែលនាំអោយមានសុនខជាច្រើនរយក្បាលបានលោតទម្លាក់សម្លាប់ខ្លួនពីលើស្ពានមួយនេះគឺមាននណាម្នាក់អាចពន្យល់បាននោះឡើយ ហើយសូម្បីតែអ្នកជំនាញក៏មិនអាចបកស្រាយបានដែរពីអភូតហេតុដ៏ចម្លែកមួយនេះ។

មនុស្សជាច្រើនជឿថា មូលហេតុដែលនាំអោយសត្វសុនខលោតទម្លាក់ខ្លួនពីលើស្ពាន មួយនេះគឺទំនងអាចមានខ្មោចលង ហើយព្យាយាមរត់គេចទម្លាក់ខ្លួនទៅខាងក្រោមតែម្តង។ អ្នកភូមិដែលរស់នៅភាគខាងលិចនៃតំបន់ Dunbartonshire បានអោយដឹងថា ខ្មោចដែលលងសុនខទាំងនោះ វាអាចជាព្រលឹងរបស់ ស្ត្រីម្នាក់ ដែលព្រលឹងវិញ្ញាណរបស់នាង ត្រូវបានគេប្រះឃើញនៅក្នុងសំណង់អាគារដែលនៅក្បែរស្ពាននេះ អស់ពេល ជាង ១០០ ឆ្នាំមកហើយ  ហើយវិញ្ញាណខ្មោចដ៏រន្ធត់មួយនេះហើយដែលបានធ្វើអោយសត្វសុនខលោតទម្លាក់ខ្លួនពីលើស្ពានជារៀងរាល់ឆ្នាំ។

អ្នកភូមិទាំងនោះក៏បានបង្ហាញពីរូបថតដែលពួកគេថតបានពីព្រលឹងខ្មោច ដែលលងនៅក្បែរស្ពាន ដើម្បីបង្ហាញដល់ភ្ញៀវទេសចរណ៏អោយមានការប្រុងប្រយ័ត្នចំពោះសុនរបស់ពួកគេ។

ម្ចាស់សុខនម្នាក់ឈ្មោះ អាឡាយ ទ្រីវ៉រូវ ដែលបានរងគ្រោះពីអភូតហេតុដ៏ចម្លែកមួយនេះបាននិយាយថា សុខនរបស់នាងមានអាយុ ៣ ឆ្នាំ ហើយវាបានលោតទម្លាក់ខ្លួនពីលើស្ពានមួយនេះ តែសំណាងល្អនាងបានជួយសង្គ្រោះវាទាន់ពេល វាមិនស្លាប់នោះទេ។

នាងបានរៀបរាប់ថា នៅពេលនាងទើបតែចេញពីរថយន្ត ភ្លាមសុនខរបស់នាងដែលមានឈ្មោះថា Cassie បានរត់តម្រង់ទៅលើស្ពាននោះ ហើយលោតទម្លាក់ខ្លួនតែម្តង ហើយក្រោយពីការជួយសង្គ្រោះនាងសប្បាយចិត្តយ៉ាងខ្លាំងនៅពេលដែលសុនខរបស់នាងអាចគេចផុតពី សោកនាដកម្មមួយនេះ ព្រោះនាងមិនដែលមានដឹងថា មានអភូតហេតុដ៏មិនគួរអោយជឿនេះកើតឡើងនៅទីនោះឡើយ។

បើតាម លោក Paul Owens  ដែលគាត់ជាគ្រូបង្រៀនទស្សនវិជ្ជាមួយរូបបាននិយាយថា “កាលពីប៉ុន្មានឆ្នាំមុន លោកបានឈរនៅលើស្ពាននោះដែរ ហើយមួយរំពេចនោះលោកមានអារម្មណ៏ថា ដូចជាមាន អ្វីមករុញច្រានលោកអោយលោត ទម្លាក់ពីលើស្ពាននោះ ដែលវាហាក់ដូចជាសុខន។

កាលពីអំឡុងឆ្នាំ ១៩៩៤ ក៏មានក្មេងប្រុសម្នាក់បានលោតទម្លាក់ខ្លួនពីលើស្ពានមួយនេះដែរ ទោះបីជាប៉ារបស់គេដែលមានឈ្មោះ ឃេវិន ម៉ុយ ខំអង្វរលួងលោមយ៉ាងណាក៏ដោយ៕

សូមទស្សនាវីដេអូនាខាងក្រោម៖