គំរូ Apple Car ដែល Luca Wrede បានរចនាឡើងនេះ គឺផ្អែកទៅលើការលេចឮកន្លងមក ហើយត្រូវបានបង្ហោះផ្តាច់មុខដោយគណនីយូធូបឈ្មោះ Concept iPhone ដែលបានបង្ហាញពីរូបរាងប្រណិត Apple Car អមដោយស្លាកឡូហ្គូ ផ្លែប៉ោមនៅពីមុខយ៉ាងទាក់ទាញ។
ចំពោះផ្នែកខាងក្នុងរបស់ Apple Car ឃើញថាបានបំពាក់ដោយផ្ទាំងតាប្លូធំនិងវែងជាមួយនឹង Browser Safari ស៊េរីថ្មី, Map, ជំនួយការសំឡេង Siri ហើយកាន់តែពិសេសនោះក្នុងវីដេអូក៏បង្ហាញវត្តមាន Apple Watch ដែរ។
ភ្នាក់ងារសារព័ត៌មានWall Street Journal បានបញ្ជាក់ថាគម្រោងផលិតឡានអគ្គិសនីរបស់ Apple មានឈ្មោះ Titan ហើយបច្ចុប្បន្នគម្រោងនេះកំពុងជួលអ្នកវិស្វករជំនាញៗដល់ទៅជាង ១ពាន់ ដែលត្រូវបានអនុញ្ញាតដោយមេ Apple លោក Tim Cook តាំងពីឆ្នាំមុនមកម្ល៉េះ។
ទោះជាមានព័ត៌មានជាច្រើនចុះផ្សាយកក្រើកយ៉ាងនេះក្តី ខាង Apple នៅស្ងៀមស្ងាត់មិនឆ្លើយតបជាផ្លូវការណាមួយឡើយ ថាខ្លួនពិតជាមានគម្រោងបង្កើត Apple Car សម្រាប់ឆ្នាំ ២០២០ ពិតមែនឬយ៉ាងណា៕
No comments:
Post a Comment